تقدم خبيرة الإتيكيت والمظهر هالة العزب مجموعة من القواعد الهامة لمظهرك خلال مقابلة العمل والملابس التى لابد عليكم إرتدائها سواء للمرأة أو الرجل ..
اولا
فورمال
The formal look
الفورمال هو اللبس الرسمي، اللي ممكن يكون قميص وبنطلون، أو بدلة وكرفتة للولاد، وجيبة أو بنطلون وقميص للبنات.
الفورمال يعني لبس سادة خالص (أسود- أبيض- لبني- كحلي)، مينفعش يبقى قميص منقط ولا عليه أشكال سواء بنات أو ولاد.
الاكسسوارت للولاد حزام أو ساعة، ويفضل لون الحزام يبقى لون الجزمة، وللبنات متبقاش أكتر من حلق أو ساعة، وتكون ألوانهم هادية وأشكالهم بسيطة.
بالنسبة للأحذية لازم متكونش مفتوحة، مينفعش صندل مثلًا ولا ألوان فاقعة.
للمحجبات الطرحة مينفعش تكون منقوشة أو فيها ألوان كتير، لازم تكون سادة و طرحة واحدة أو اتنين بالكتير.
٢/ السيمي فورمال
The semi formal look
هو الفورمال تقريبًا، لكن أقل رسمية منه، مثلًا مش لازم تلبس جاكت وكرافتة للولاد، والبنات ممكن يلبسوا قمصان منقوشة عادي أو فستان فورمال وعليه جاكيت سادة، وممكن الاكسسوارات تكون أكتر من الفورمال شوية، لكن برضو متبقاش زيادة عن اللزوم.
٣/ الكاجوال
The casual look
اللبس العادي، اللي بتخرج به مع صحابك، زي البنطلونات الجينز، والتيشيرتات و السويت شيرتات، والأحذية الرياضية، والجيبات والشنط الملونة. والكاجوال هو الخيار الأخير لك ساعة الانترفيو .
٤/ السيمي كاجوال
The semi casual look
ده بيختلف عن الكاجوال في أنه فيه جزء فورمال، يعني ممكن يكون بنطلون جينز وقميص للبنات أو الولاد، والقمصان ممكن تكون ملونة أكتر من لون، أو لون واحد، أو يكون عليها خطوط أو منقطة. يعني المظهر يميل للكاجوال، لكن فيه على الأقل قطعة واحدة فورمال.