© 2019 by Anaqati.com

All rights reserved. Terms and Conditions 

تابعنا الآن

اشترك بالنشرة الالكترونية

اقرأ ايضا

Please reload

ناقد موضة: هذه أفضل وأسوأ إطلالات المشاهير فى مهرجان القاهرة السينمائى!

24/11/2019

 

 

تألقت مشاهير الفن فى مصر والوطن العربى على السجادة الحمراء بحفل إفتتاح مهرجان القاهرة السينمائى الدولى المقام حاليًا بالقاهرة، وقد ظهرت النجمات بأروع الإطلالات من أشهر مصممى الأزياء ودور الأزياء العالمية .

 

ويقدم ناقد الموضة الأول فى مصر محمد الشريف لقراء ( أناقتى ) أبرز الإطلالات التى أصابت بها الفنانات على الريد كاربت والتى أخفقت أيضًا .


هنا الزاهد بفستان من تصميم مصمم الأزياء سامو هجرس
الفستان شيك و انيق جدا و لايق عليها و على المهرجان و قصت الفستان جميلة و استخدام قماش المخمل ( القطيفة ) أضاف للوك رونق و غنى بالنسبة الميك اب و الشعر التنسيق بنهم رائع ال Clutch اختياره موفق ال heels كمان لايق مع الفستان و اخيرا المجوهرات كانت موفقة فى اختيارها جدا اقدر اقول انها فعلا Perfect

 

 

 

 

 

هيدى كرم بفستان من تصميم مصمم الأزياء شريف نصر.
حبيت اللوك جدا طالعة سكسى و زى القمر الفستان لائق عليها و على المهرجان بس عندى تحفظ على العقد مش مناسب ابدا مع الجلد أما بالنسبة للميك اب كان مناسب مع الشعرو ال clutch كمل اللوك بطريقة شيك و أنيقة.

 

لقاء الخميسي بفستان من تنفيذ نسيم سيدرا و فكرة التصميم من الأستايليست ايهاب العدالى.
حبيت التصميم و القماشة جدا و قصة الميرمايد فيه لائق جدا عليها و على المهرجان لوك جريئ و جديد علينا مش كتير ممكن نشوف فنانة بتلبس كده على الريد كاربت حتى تنسيق الشعر و الميك اب كان موفق جدا و تحديد الوسط بالحزام منظم و فى مكانه صح ال clutch كمان حلو و ارقى لوك موفق جدا.

 

ميس حمدان بفستان من تصميم مصممة الأزياء إيمان صعب.
الفستان انيق و شيك جدا قماشة المخمل ( القطيفة ) اضافت لها نوع من الرونق لايق عليها و على المهرجان و الحركة اللى عند الصدر دخلت نوع من الحيوية على بساطة التصميم اما بالنسبة للميك اب و الشعر الريترو كانوا منسقين جدا و كملو اللوك و ال Clutch حلو جدا المجوهرات كانت مدروسة جدا و اختيارها موفق بفصوص من اللون ال Emerald اللى بتدى فخامة اكتر للوك.

 

ياسمين رئيس بفستان من تصميم مصمم الأزياء يوسف الجسمى.
الفستان حلو عليها بس deja Vu و شوفناه كتير جدا بنفس خامة القماش و التصميم مع اختلاف اللون فين الجديد أو الأبتكار اللى فى بالنسبالى هو عادى جدا و غير كده انو #هيفاءوهبي لبستو قبل كده من فترة بنفس كل التفاصيل دى بس من دار أزياء لابورجوازى يعنى منتهى الملل ياسمين تستاهل فستان اقوى من كده تظهر بيه.


درة زروق بفستان من تصميم مصمم الأزياء مايكل سينكو.
الفستان شيك و انيق و لايق عليها و على الريد كاربت بس اتعودنا على الستايل الفساتين المنفوشة منها فين الجديد !! و الفستان ده بنفس القصة و الألوان غالبا زى فستان كان عمله مصمم الأزياء طونى ورد قبل كده كنت اتوقع حاجة اقوى من كده منها لأنها دايما بتبهرنا بأختيارتها بالنسبة للميك اب و الشعر كانوا منسقين و اختيار المجوهرات كان ذكى جدا لأنها اعتمدت على حلق و اسورة فقط لأن الفستان مكنش يحتمل اكتر من كده بسبب فخامته و على انتظار فستان الختام.


بشرى بفستان من تصميم مصممة الأزياء سماح مهران.
الفستان حلو جدا و لايق على المهرجان و على بشرى جدا طالعة زى اميرات ديزني التصميم حلو جدا و مديها أنوثة و رونق بس عندى مشكلة فى التطريز كنت افضل يبقى بينتهى بتدريج لحد اخر الفستان و ينزل على مفيش لكن كده شكله كأنه مقطوع مثلا فمش مريح للعين خالص بالنسبة للميك اب و الشعر كانوا منسقين جدا و كملو اللوك و طالعة قمر.


انجى المقدم بفستان من تصميم مهند كوجاك .
حبيت الفستان جدا و تداخل اللونين مع بعض شيك و منسق جدا و ال drapping معمول بعناية رهيبة الفستان لائق عليها و على المهرجان طالعة قمر يا انجى بجد حتى الميك اب و الشعر كانو حلوين جدا و ال clutch روعة و شيك جدا و تنسيقه رائع مع الفستان.


رانيا يوسف بفستان من دار أزياء بالمان .
الفستان شيك و انيق و لائق عليها بس مش لائق على المهرجان خالص بالكتير ممكن يبقى كويس لحضور فرح أو عيد ميلاد كنت اتوقع تظهر بفستان أقوى من كده بكتير و عمتا الريد كاربت لازم فستان طويل اما بالنسبة للميك اب و الشعر فكانوا منسقين جدا و كالعادة طالعة قمر .

 

نسرين طافش بفستان من تصميم مصممة الأزياء مرمر حليم.
نسرين من احب الفنانين لقلبى بجد مع اننا متقابلناش شخصيا قبل كده بس هى كفنانة يحترم فيها ذكائها فى اختيارها دايما متجددة و دايما قمر و دايما شيك و أنيقة جدا بجد شابوه يا نسرين الفستان عبارة عن قطعة فنية بجد و الميك اب و الشعر تحفة و منسقين جدا مع الفستان المجوهرات جميلة جدا ال clutch مكمل اللوك و متناسق جدا فى العموم انتى دايما بستنى اشوفك هتلبسى ايه.


داليا البحيري بفستان من تصميم مصمم الأزياء هانى البحيرى.
الفستان حلو و مناسب للمهرجان و لايق عليها حبيت الحزام عشان محدد الوسط و مقسم الجسم طالعة قمر مع أن الفستان deja Vu بس جميل جدا عليها بالنسبة الميك اب و الشعر منسقين محبتش الحلق خالص كنت افضل تكون لابسة حلق diamound و داخل فيه لون emerald يكسر من اللون الأسود و يديها رونق اكتر ال clutch عادى مفيهوش روح بس فى العموم حبيت اللوك جدا.

Share on Facebook
Share on Twitter
Please reload