أثارت الممثلة المصرية حلا شيحة الجدل من جديد بعد نزول فيلمها الجديد ( مش أنا ) مع النجم تامر حسني في دور العرض و السينما .
و قد كتبت حلا شيحة رسالة مطولة عبر صفحتها على موقع التواصل الإجتماعي لتبادل الصور و الفيديوهات انستجرام تتبرأ من بعض المشاهد لها في الفيلم .
رسالة حلا شيحة لتامر حسني
كما وجهت الممثلة حلا شيحة رسالة مطولة للنجم تامر حسني عبر حسابها الشخصي على موقع انستجرام، قالت خلالها :
اتفاجئت جدًا بنزول كليب يجمع فيه مشاهد متفرقة من الفيلم و خصوصًا بعد آخر بوست نزلته و وضحت فيه أنا إيه ، و اتفاجئت أكتر خصوصًا بعد وعد تامر حسني ليا و تأكيده إنه هیحترم رغبتي و بعض الطلبات اللي طلبتها منه بكل احترام و ود الصيف اللي فات و أکدلي إنه هيحترم رغبتي .
كذلك أضافت حلا :
إحنا يمكن نجحنا بمقاييس الدنيا بس صدقوني بمقایيس ربنا إحنا لم و لن ننجح أنا عارفة و متأكدة إن زملائي جواهم خير بس للأسف فتنة الشهرة و النجاح مش بتخلينا نشوف و نقيس الأمور صح بتكلم من قلبي الكليب ده ميرضيش ربنا و أنا عيطت لأني شفت نفسي في المشاهد دي .
اقرأ أيضًا : المهرجانات الشعبية وأغاني المسلسلات الأكثر استماعًا
حلا شيحة تتبرأ من كليب ( بحبك )
و تابعت حلا خلال رسالتها : دي كانت زلة نتيجة ظروف مريت بيها و كلنا بنغلط و لازم نغلط علشان إحنا بشر بس المصيبة إننا بنغفل و بننسی .
كما أضافت خلال الرسالة :
أنا مش هتكسف من حد أنا تبت من المشاهد دي و هي لا تصح و أنا غلطت و بصلح و أهم حاجة إن ربنا يرضى عني لأن في الآخر ده اللي هينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص إحنا أغلبنا ناسينها إلا القليلين منا الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن .
و قد تابعت : إحنا كلنا عندنا امتحان في الدنيا دي و حابة أفكرك بالفيديو ده یا تامر اللي قولت فيه أنا مش بتمنى أموت و أنا مطرب أنا دايما خايف کده، كلام أكيد قولته في لحظة صدق جواك و جوانا كلنا من شوفه تاني يمكن يفكرك أن جواك اكيد في صراع و أنا و كلنا كلنا بنغلط بس المهم في الآخر نتدارك الغلط و نصلح .
و ذكرت حلا الآية الكريمة : ” إلا من تاب و آمن و عمل عملًا صلحا أولئك يبدل الله سيئاتهم حسنات و كان الله غفورا رحيما “، مضيفة : الله على كلام الله و جماله يا سلام لو أصواتنا و مواهبنا كلها نستعملها في الخير عشان يبقى فن بجد .
كما أشارت إلى أنها قد تفاجأت بنزول أغنية الكليب في أيام ذي الحجة المباركة .
تجدر الإشارة هنا إلى أن حلا شيحة قد أوقعت نفسها في مرمى الانتقادات و الاتهامات التي وجهت لها سواء من جانب الجمهور أو نجوم الفن من أصدقائها .
كما أن البعض وجه لها اتهامات بسبب ترددها الدائم، و تبرأها من المشاهد في الفيلم الأخير .
اقرأ أيضا :السعودية في مهرجان كان السينمائي الدولي 2021
رد تامر حسني
و في نفس السياق، قام النجم تامر حسني بالرد عبر السوشيال ميديا على رسالة حلا شيحة المطولة، و التي وجهتها له، حيث قال عبر صفحته على صفحته فيس بوك :
نهاركم جميل يا أغلى الناس الحقيقه عمري ما بتخيل إني أدخل في نقاش بالشكل دا مع زميل بحترمه و كان في بينا كل خير، للتوضيح بما إنك يا حلا كتبتي بوست و أشركتي الجمهور الكريم معانا بدال ما كنتي تكلميني شخصياً و نتناقش بيني و بينك ، فا أنا مضطر أرد هنا برضو .
و أضاف تامر حسني عبر رسالته :
أولاً أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد و أخلف، الحقيقه اني إحترمت كلامي معاكي و وعدتك أشيل مشاهد تانيه طلبتيها و شيلتها بالفعل و شكرتيني عليها و لو حابه تفتكري المشاهد اللي اتشالت بعد ازنك روحي شوفيها في المونتاچ عند الأستاذ عمرو عاكف او كلميه يبعتهالك كلها موجوده .
كما تابع تامر :
و بعدين الفيلم بقاله ٣ اسابيع في السينمات و الكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟؟ منطق غريب فعلاً يا حلا ، و بعدين هو مش أنتي اللي مضيتي عقد و تقاضيتي عليه مبلغ كبير عشان الدور دا بعينه !! هو مش إنتي اللي صورتيه و مثلتيه بنفسك و بمنتهى الرضا و لا حد أجبرك ؟!! .
اقرأ أيضًا :أخبار المشاهير على السوشيال|حلا شيحة والشائعات بعد الطلاق وإطلالات مميزة لنجمات الفن
رسالة تامر حسني لحلا شيحة
كذلك استطرد تامر :
و للتوضيح للجمهور الكريم أنا و المخرجه الأستاذه ساره وفيق بعتنالك و كنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها ، ماكنتيش بتردي علينا و تليفوناتك كلها كانت بتقفل في وشنا .
كما أضاف تامر : إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا و لو كان ليكي أي طلب تاني كنت هعمله بكل حب إنما إنتي فجأه أختفيتي و مكملتيش تركيب صوتك في الفيلم ولا جيتي تتصوري عشان أفيش الفيلم أصلا و مخليتيناش نعرف نعمل آفيش مجمع !
و بقيتي تقفلي تليفوناتك و تكنسلي علينا كلنا و بعدين أي فيلم بيبقى ليه خطه مسبقه في الدعايه و انتي عارفاها كويس و وافقتي عليها و دا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي دا للأستاذ ماجد الكدواني مثلاً هو دا يُعقل ؟ .
كما و ختم النجم تامر حسني ، قائلًا :
أنا زعلان منك جداً يا حلا على مفردات البوست بتاعك الغير موفقه و مستحيل هرد بطريقتك اللي فيها تجريح و اتهامات باطله ليا إحتراماً لحجات كتير يمكن فايتاكي بس مش هتفوتني و على فكره انا واثق انك عارفه اني مستاهلش منك كدا و هكتفي بالتوضيح دا و ربنا يهدي الجميع و يكتبلك كل الخير اللهم آمين .
كما يذكر أن فيلم ( مش أنا ) قد حقق إيرادات قياسية بالسينمات داخل و خارج مصر منذ طرحه، و يلعب بطولته كلًا من : تامر حسني و حلا شيحة، و ماجد الكدواني و سوسن بدر و آخرون .
اقرأ أيضًا :( محلاكي ) أجدد ألبومات الأردني لؤي حجازين في مهرجان الصيف
نقابة المهن التمثيلية
كذلك و من جانبها قد أصدرت نقابة المهن التمثيلية المصرية بيانًا حول تلك الأزمة بين أبطال فيلم ( مش أنا ) عن تبرؤ حلا من الفيلم و اعتبارها أن الفن حرام .
ذكر البيان : رفضه التام لكل محاولات العودة بنا للوراء بنشر الفكر الظلامي الذي عانى منه المجتمع المصري طوال عقود، سواء عبر الصفحات العامة بالوسائط الإلكترونية أو الصفحات الخاصة لمن يعتزلون الفن تحت غطاء التوبة، وكأن الموهبة التي منحها الله للمبدعين خطيئة .
كما أشار البيان أن النقابة لن تقف ساكتة أمام محاولات تشويه الفن و الإبداع، الذي يعد أحد المؤشرات الثقافية لتطور الرؤية في المجتمعات المتحضرة .
و قد ختم البيان :
يهيب مجلس نقابة المهن التمثيلية بمقاطعة هذه الصفحات التي يريد أصحابها أن يعودوا برؤيتنا الثقافية للمربع صفر في رجعية جديدة لا تستهدف سوى مصالح خاصة على حساب المصلحة العامة لهذا الوطن الذي لا و لن يبتلع طعم التشدد الذي أفضى للعنف و الفوضى .
بالذكر أن كليب الفيلم الترويجي للأغنية كانت ( بحبك ) و التي تتضمن عددًا من المشاهد الرومانسية و الجدير خاصة بالفيلم .
اقرأ أيضًا :أفلام في مرمى المنافسة خلال 2021